fbpx
اسلایدافغانستانخبر داخلی

عبدالله عبدالله برای اشتراک در اجلاس سازمان همکاری‌شانگهای به تاجیکستان رفت

خبرگزاری یاش: ریاست اجراییه با نشر اعلامیه‌ای گفته است که عبدالله عبدالله، رئیس اجرایی کشور امروز (پنج‌شنبه، ۱۹ میزان) در رأس یک هیئت بلندپایه‌ دولتی به‌منظور اشتراک در هفدهمین اجلاس سران حکومت‌های سازمان همکاری‌ شانگهای عازم دوشنبه پایتخت تاجیکستان شده است.

بر اساس اعلامیه، در این سفر صلاح‌الدین ربانی وزیر خارجه و تعدادی از مسئولین حکومتی رئیس اجراییه کشور را همراهی می‌کنند.

اجلاس سران حکومت‌های سازمان شانگهای سالانه برای ارزیابی وضعیت منطقه و سیاست‌های این سازمان برگزار می‌گردد و قرار است رئیس‌ اجرایی کشور به نمایندگی از حکومت افغانستان اشتراک و سخنرانی کند.

اعلامیه می‌افزاید که آقای عبدالله در حاشیه‌‌ نشست سران حکومت‌های شانگهای با رئیس جمهور تاجیکستان، نخست‌وزیر روسیه، نخست‌وزیر جمهوری خلق چین، نخست‌وزیر ازبکستان، نخست‌وزیر قزاقستان، نخست‌وزیر قرغیزستان، نخست‌وزیر تاجیکستان، نخست‌وزیر بلاروس و وزیر خارجه هند دیدار می‌کند.

در اعلامیه آمده که رئیس اجراییه قرار است در مورد مبارزه مشترک با دهشت‌افکنی، مبارزه با قاچاق مواد مخدر، گسترش همکاری ‌و همگرایی منطقه‌ای، تطبیق برنامه‌های کلان منطقه‌ای، افزایش دادوستد تجاری و جلب حمایت کشورهای منطقه از روند صلح به مالکیت و رهبری افغانستان صحبت کند.

برچسب ها

نوشته های مشابه

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

This site uses Akismet to reduce spam. Learn how your comment data is processed.

بستن